 Юры ГАРУЛЁЎ працуе на нацыянальнай кінастудыі «БЕЛАРУСЬФІЛЬМ» з 1975 года – спачатку кінааператарам, затым кінарэрысёрам. Прыйшоў у студыю «ЛЕТАПІС» кінастудыі «БЕЛАРУСЬФІЛЬМ» з вышэйшай адукацыяй, якую атрымаў у 1971 годзе, скончыушы Ленінгдадскі інстытут кінаінжынераў (ЛИКИ).
У 1976 годзе паступіў на завочнае аддзяленне аператарскага факультэта Усесаюзнага дзяржаўнага інстытута кінематаграфіі (ВГИКа), якое скончыў у 1982 годзе.
|
 |
|
 З першых крокаў самастойнай працы паказаў сябе майстрам рэпартажных здымак і тонкім назіральнікам за характарамі сваіх герояў. Не раз узнагароджваўся за аператарсткую працу дыпломамі рэспубліканскіх, усесаюзных і міжнародных фестываляў.
1980 год – ў складзе лепшых аператараў дакументальнага кіно СССР быў адкамандзіраваны на «МОСФИЛЬМ» для працы ў аб'яднанні «ОЛИМПИАДА-80» па стварэнні мастацка-публіцыстычнага фільма-справаздачы «О, СПОРТ, ТЫ-МИР», прысвечанага правядзенню летняй алімпіяды ў Маскве.
Узнагароджваўся залатымі медалямі за лепшую аператарскую працу на Усесаюзных фестывалях спартыўнага дакументальнага кіно:
1983 год – за фільм «В АТАКЕ ВСЯ КОМАНДА» (фестываль ў Рызе),
1984 год – за фільм «ИГРАЯ , ВЕРЬ» (фестываль ў Каўнасе).
Двойчы ўзнагароджваўся Медалямі ВДНГ за аператарскую працу ў фільмах на экалагічную тэматыку.
1989 год – працуе ў якасці рэжысёра.
Фільмы рэжысёра Юрыя ГАРУЛЁВА заўсёды вызначаюцца глыбокаю пранікнёнасцю ў характары герояў, спробай стварыць партрэт сучасніка з яго разнастайным стаўленнем да жыцця, да гісторыі сваёй краіны.
1990 год – фільм рэжысёра «СЛУЧАЙ ИЗ ПРАКТИКИ» пра сельскага лекара атрымаў 1-шы прыз Усесаюзнага фестывалю аўтарскага кіно ў горадзе Полацк (Беларусь).
Удзельнікам многіх Міжнародных кінафестываляў стаў яго фільм «ЗАСТАЛАСЯ ДУША ЯГО ТУТ» пра мастаку Марка Шагала.
1997 год – Юры ГАРУЛЁЎ стаў заснавальнікам прыватнай студыі «Унітарнае прадпрыемства «Студыя «СТОПКАДР». Ён сумяшчае працу ў якасці рэжысёра-аператара з працай на кінастудыі «БЕЛАРУСЬФІЛЬМ» у аб'яднанні «ЛЕТАПІС».
З гэтага часу рэжысёр-аператар Юры ГАРУЛЁЎ непасрэдна супрацоўнічае з Касцёлам у Беларусі, прымаючы актыўны ўдзел у асвятленні працэса адраджэння веры і вяртання да духоўных хрысціянскіх каштоўнасцяў.
1997 год – быў зняты фільм «MATER MISERICORDIAE» (Маці Міласэрная) пра першага беларускага кардынала, главу Рыма-Каталіцкага Касцёла ў Беларусі, Казіміра СВЁНТКА. У гэтым жа годзе гэты фільм атрымаў І-ы прыз і спецыяльны прыз на Міжнародным кінафестывалі «NIEPOKALANOW».
1998 год – фільм «МОЛИТВА» пра адраджэнне касцёла ў расійскім горадзе Тамбове атрымаў Гран Пры на Міжнародным кінафестывалі «NIEPOKALANOW».
2001 год – летапісам падзей з жыцця Каталіцкага Касцёла на Беларусі стаў цыкл відэачасопісаў «ВЫЗНАННЕ ВЕРЫ», які выпускае студыя «СТОПКАДР» .
2004 год – прызам Міжнароднага кінафестывалю ваенна-патрыятычных фільмаў у горадзе Валакаламске (Расія) быў узнагароджаны фільм «ПАМЯТНИК».
2004 год – фільм «ПАСХА З ПРЫСМАКАМ ПАЛЫНУ» быў уключаны ў конкурсную праграму фестываляў у Румыніі і Італіі.
Удзельнікамі Міжнародных фестываляў сталі такія фільмы рэжысёра як : «ЕВАНГЕЛИЕ ОТ ДЖОРДЖА. Профессия пилигрим», «ИСТОКИ», «КАНІКУЛЫ КАРДЫНАЛА».
Юры ГАРУЛЁЎ прымае актыўны ўдзел у працы грамадскіх свецкіх арганізацый, якія аказваюць Каталіцкаму Касцёлу дапамогу ў яго асноўнай дзейнасці.
У 2003 годзе Юры ГАРУЛЁЎ стаў ініцыятарам стварэння ў Рэспубліцы Беларусь , якая ўвайшла ў склад Сусветнай арганізацыі .
Вялікай падзеяй у культурным жыцці рэспублікі стала правядзенне .
Юры ГАРУЛЁЎ стаў ініцыятарам правядзення гэтага фестывалю, узначаліў арганізацыйны камітэт і быў выбраны старшынёй фестывалю.
Мэтай фестывалю стаў агляд работ беларускіх і замежных майстроў у галіне кіно і тэлебачання, якія накіраваны на евангелізацыю грамадства, падтрымку агульначалавечых каштоўнасцяў і створаны ў розных хрысціянскіх традыцыях.
У фестывалі прынялі ўдзел работы рэжысёраў з Беларусі, Расіі, Украіны, Польшчы, Францыі, Мексікі і Тайланда.
Важным аспектам правядзення фестывалю было тое, што ён адбыўся ў беларускай правінцыі, у Глыбоцкім раёне Віцебскай вобласці: у раённым цэнтры Глыбокае, пасёлках Удзела і Мосар. Ен таксама меў на мэце прыцягнуць увагу да культуры і мастацтва жыхароў беларускай глыбінкі, да іх хрысціянскіх каштоўнасцяў праз прадэманстраваныя на фестывалі працы майстроў кіно і тэлебачання.
У асноўным у сваёй творчасці і грамадскай працы Юры ГАРУЛЁЎ імкнецца развіваць ідэі экуменізму, яднання хрысціянства на Беларусі.
|
